***
ერთი დარტყმა და
თექვსმეტნახევარი წლისამ,
ძირს დავაგდე მამაჩემი
აყროლებული, ნამდვილი ნაბიჭვარი
ორი დოლარი გამოვართვი დედას და
კაი ხანი ფეხი აღარ დამიდგამს იმ სახლში.
1937 წელი იყო, ლოს-ანჟელესი
ნამდვილი ჯოჯოხეთი
ვენაში იყავი გეგონებოდა
ისე დუღდა და ისე ბნელოდა ქალაქში.
უფროს ბიჭებთან ვძმაკაცობდი
ერთფეროვანი დღეები ჰქონდათ
მძიმე ჰაერს სუნთქავდნენ
ბენზინგასამართ სადგურებს ძარცვავდნენ,
სადაც ფული თითქმის არასდროს იყო.
ჩვენგან რამდენიმე იღბლიანი
ნახევარ განაკვეთზე ვმუშაობდით Western Union-ის კურიერად
ნაქირავებ ოთახში გვეძინა, რომელშიც გადახდილიც არ გვქონდა
ფარდებდახურულში ჩუმად ვსვმდით ლუდს და ღვინოს
მერე უცებ ჩხუბს და მუშტი-კრივს ავტეხავდით,
მთელ კორპუსს გავაღვიძებდით,
სკამებს, სარკეებს, ნათურებს ვლეწავდით და
კიბეებით გავრბოდით სანამ პოლიცია მოვიდოდა.
მომავალში ჩვენგან ზოგი ჯარისკაცი გახდა,
მაშინ ჩიხიდან ჩიხში და ქუჩიდან ქუჩაზე დავრბოდით
ბოლოს კი პიტისთან ვიკრიბებოდით ხოლმე ყველანი.
რაღაც სოროში, კიბის ქვეშ ვიყავით შეყუჟულები
სიგარეტის, ქალის და სასმელის გარეშე
ჩვენს ზემოთ, მდიდრები ფაციფუცობენ,
არჩევანს აკეთებდნენ ესა თუ ისაო და
ამასობაში გოგოები გარბოდნენ მათგან.
აჩრდილებივით ვცხოვრობდით იმ ჯოჯოხეთურ წლებში
იმ კიბისქვეშა ბინადრებიდან
სამის სიცოცოცლე მეორე მსოფლიო ომმა შეიწირა,
ერთი მატრასების ქარხნის მენეჯერად მუშაობს და მე?
მე ოცდაათი წელი მომემატა,
ქალაქი ოთხჯერ-ხუთჯერ გაიზარდა,
მაგრამ ლპობა არ შეუწყვეტია
გოგოები კი ჩემს ჩრდილს ისევ აფურთხებენ.
ომი მაქვს ისევს მორიგი მიზეზით
მაშინაც ვერ ვშოულობდი და
ახლაც ძლივს ვშოულობ სამუშაოს,
არაფერი ვიცი და არაფერი გამომდის.
სექსი? ჰო,
ძველი ქალები მომიკაკუნებენ ხოლმე შუაღამისას
თუ დაინახეს სინათლე ფანჯარაში,
ჩემს მარტოობას მოაკითხავენ.
ქმრებს დიდი ხანია აღარ უნდათ ისნი,
შვილებიც რა ხანია წავიდნენ მათგან და მე ვღებულობ
ლამაზ ფეხებსაც თუ მიჩვენებენ ეგრევე ვნებდები
ბოლოს ბერდება ფეხებიო და მეც მათ მივყვები საწოლში
სიყვარულს მჩუქნიან ეს ხნიერი ქალები
მე მათ სიგარეტს ვეწევი სანამ ლაპარაკობენ
ლაპარაკობენ, ლაპარაკობენ და
მერე ისევ საწოლში ვწვებით, სიყვარულს ვეძლევით,
სიცოცხლე უბრუნდებათ ვხედავ,
მერე ისევ ლაპარაკონებ მზის ამოსვლამდე და ჩაგვეძინება
ეს არის სწორედ პარიზის ჯოჯოხეთი.
ჩარლზ ბუკოვსკი
თარგმანი იგლისურიდან
Home Project Poetry Visual art Texts About